მწუხარებას გამოვთქვამთ ღირსების ორდენოსანი ხელოვანის, იზო თოდაძე-ნოდარიშვილის გარდაცვალების გამო

ისრაელში ქართულენოვანი რადიო და ებრაული თემი ღრმა მწუხარებით იუწყება, რომ საქართველოში, კერძოდ რაჭაში, გარდაიცვალა გამორჩეული ხელოვანი, ხალხური ოსტატი და ონის კულტურის ამაგდარი — ქალბატონი იზო თოდაძე-ნოდარიშვილი.
​ქალბატონმა იზომ 30 წელი ერთგულად იმსახურა ონის კულტურის სახლში (1968-1998 წწ.). მისი ხელმძღვანელობით არაერთი ნიჭიერი თაობა აღიზარდა. როგორც ნიჭიერი მხატვარ-დეკორატორი და ჭედურობის ოსტატი, ის თავად ქმნიდა ანსამბლების სამოსელს და მის სახელს უკავშირდება ლეგენდარული „რაჭული – ოღრო ჩოღროს“ დადგმა.
​მისი ღვაწლი დაფასებული იყო საქართველოს პრეზიდენტის მიერ „ღირსების ორდენით“, ოქროს მედლებითა და არაერთი ლაურეატის წოდებით.
​ისრაელში მცხოვრები ქართველი ებრაელობა და ჩვენი რადიოს გუნდი უდიდეს სამძიმარს ვუცხადებთ ოჯახს, ახლობლებსა და სრულიად რაჭას. მისი სულით სპეტაკი პიროვნება და შემოქმედება მუდამ დარჩება ჩვენს მეხსიერებაში.